Studenty-miedyki raspracavali mabilny dadatak dla daktaroŭ u nadzvyčajnaj situacyi
Studenty BDMU Bažena Kurzova i Ivan Karšakievič stvaryli mabilny dadatak, jaki dazvolić daktaram zaryjentavacca ŭ nadzvyčajnaj situacyi i skaardynuje ich dziejańni pry akazańni dapamohi paciarpiełym, piša BiełTA.
Ideja prajekta naležyć Ivanu Karšakieviču. «Prajekt naradziŭsia prykładna 3 hady tamu na vajskova-miedycynskim fakultecie BDMU pry padtrymcy kafiedry arhanizacyi miedycynskaha zabieśpiačeńnia vojskaŭ i ekstremalnaj miedycyny. U pracesie navučańnia i trenirovak my pryjšli da vysnovy, što było b vydatna, kali b źjaviŭsia taki pamočnik dla doktara», — uspaminaje jon.
Da prajekta dałučyłasia Bažena Kurzova. Jana ŭdzielničała ŭ minułym siezonie konkursu sacyjalnych prajektaŭ Social Weekend i, pačuŭšy pra raspracoŭku Ivana, prapanavała jamu ŭziać udzieł u sioletnim. Razam jany dajšli da finału.
«My zajmajemsia raspracoŭkaj dadatku, jaki budzie minimizavać čałaviečy faktar pry pracy ŭrača ŭ nadzvyčajnaj situacyi, — tłumačyć Ivan Karšakievič. — Heta budzie dadatak z ałharytmam dziejańniaŭ, jakija nieabchodna zrabić doktaru, kab akazać usiu nieabchodnuju dapamohu paciarpiełym i nie dublavać dziejańni kalehaŭ».
Dadatak spatrebicca ŭ vypadku zdareńnia ź vialikaj kolkaściu paciarpiełych, kali na adnaho lekara budzie prychodzicca niekalki pacyjentaŭ i treba budzie chutka acanić stan kožnaha. Lekar padychodzić da pacyjenta, adkryvaje dadatak, atrymlivaje ałharytm dziejańniaŭ, vykonvaje ŭkazanyja manipulacyi i zapaŭniaje ŭ dadatku źviestki pa paciarpiełym. Dadatak vyznačaje stan čałavieka jak ciažki, siaredniaj ciažkaści abo zdavalniajučy. Dalej doktar adznačaje abśledavanaha pacyjenta ŭmoŭnym stykieram i pierachodzić da ahladu nastupnaha paciarpiełaha. Doktar, jaki pryjazdžaje na miesca paźniej, padychodziačy da pacyjenta, bačyć, što kaleha ŭžo ahledzieŭ hetaha čałavieka, tamu nie dubluje dziejańni, a, naprykład, akazvaje inšy vid dapamohi abo advozić jaho ŭ špital.
Dadatak zmoža rekamiendavać najbližejšuju balnicu, dzie paciarpiełym akažuć patrebny vid dapamohi, adpraŭlać u miedustanovu infarmacyju pra pacyjenta, pakul jon budzie jechać. Takim čynam udasca pavysić jakaść dapamohi.
Studenty raspracavali dema-viersiju dadatku. Ciapier im patrebnyja prahramisty i jurysty, kab stvaryć pracoŭny pradukt i prateściravać jaho.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary