adnak atrymanyja traŭmy akazalisia niesumiaščalnymi z žyćciom.
4 sakavika ŭ 432‑m Hałoŭnym vajennym kliničnym miedycynskim centry Uzbrojenych sił u Minsku
pamior adzin z troch vajennasłužačych, paciarpiełych u vyniku pažaru ŭ parku 11‑j asobnaj miechanizavanaj bryhady ŭ Słonimie (Hrodzienskaja vobłaść) 19 lutaha.
Jak paviedamiŭ BiełaPAN načalnik pres‑słužby Ministerstva abarony Viačasłaŭ Ramienčyk, vajennyja miedyki dva tydni sprabavali vyratavać najbolš paciarpiełaha vajennasłužačaha, adnak atrymanyja traŭmy akazalisia niesumiaščalnymi z žyćciom.
Nahadajem, dniom 19 lutaha padčas płanavych zaniatkaŭ pa bajavoj padrychtoŭcy adnaho z padraździaleńniaŭ bryhady adbyłosia ŭzharańnie paliva ŭ tanku T‑72. Rabota vajennasłužačych i kamandy pažarnych MNS, što apieratyŭna prybyła im na dapamohu, nie dazvoliła pieratvaryć uzharańnie ŭ maštabny pažar. U vyniku zdareńnia paciarpieli členy ekipaža — try vajennasłužačyja, jakija byli špitalizavany.
Pa fakcie zdareńnia Hrodzienskaj mižharnizonnaj vajennaj prakuraturaj raspačata sprava pa prykmietach złačynstva, praduhledžanaha č. 2 art. 464 Kryminalnaha kodeksa (parušeńnie praviłaŭ kiravańnia mašynami abo ekspłuatacyi ich, što paciahnuła pa nieaściarožnaści pryčynieńnie ciažkaha cialesnaha paškodžańnia).
Ministerstva abarony vykazvaje spačuvańnie svajakam zahinułaha i akaža nieabchodnuju dapamohu ŭ adpaviednaści z zakanadaŭstvam, skazaŭ V.Ramienčyk.
Ciapier čytajuć
Jak u halečy śpivałasia radnia Łukašenki? Małaviadomyja fakty10
Kamientary