Takoje sumoŭje było ŭviedziena letaś u adpaviednaści sa źmienami Praviłaŭ pastupleńnia ŭ VNU.
5 sakavika ŭ biełaruskich VNU pačałasia rehistracyja abituryjentaŭ dla prachodžańnia prafiesijna‑psichałahičnaha sumoŭja.
Nahadajem, takoje sumoŭje było ŭviedziena letaś u adpaviednaści sa źmienami Praviłaŭ pastupleńnia ŭ VNU.
Jaho nieabchodna prajści dla pastupleńnia na śpiecyjalnaści «dziaržaŭnaje kiravańnie», «dziaržaŭnaje kiravańnie i prava», «dziaržaŭnaje kiravańnie i ekanomika», «mižnarodnyja adnosiny», «mižnarodnaje prava», «pravaznaŭstva», «ekanamičnaje prava», «žurnalistyka», «mižnarodnaja žurnalistyka», «mytnaja sprava».
Sumoŭje pry hetym nieabchodna prajści dla pastupleńnia na ŭsie formy atrymańnia adukacyi.
Rehistracyja abituryjentaŭ dla prachodžańnia sumoŭja arhanizavana z 5 pa 31 sakavika.U pryvatnaści, u BDU, jak paviedamlaje pres‑słužba VNU, rehistracyja pravodzicca pa budnych dniach z 09.00 da 17.00 (abied z 13.00 da 14.00) u aŭdytoryi 116 hałoŭnaha korpusa, u subotu — z 09.00 da 13.00.
Płanujecca, što samo sumoŭje budzie arhanizavana ŭ VNU z 5 pa 30 krasavika.Jano pravodzicca pryjomnaj kamisijaj, u skład jakoj uvachodziać pradstaŭniki kiraŭnictva VNU, prafiesary, dacenty, vykładčyki, psichołahi, sacyjalnyja piedahohi, a taksama śpiecyjalisty adpaviednych halinaŭ ekanomiki i sacyjalnaj śfiery. Kamisija ŭ vusnaj hutarcy z abituryjentam aceńvaje ahulny ŭzrovień jaho raźvićcia, matyvacyju pastupleńnia na tuju ci inšuju śpiecyjalnaść.
Letaś dla prachodžańnia sumoŭja zarehistravałasia bolš za 14 tysiač čałaviek, ź ich kala 130 nie prajšli jaho.
Što da centralizavanaha testavańnia, to jano sioleta projdzie paźniej, čym letaś, u suviazi z pradaŭžeńniem navučalnaha hoda ŭ škołach.Pavodle infarmacyi Ministerstva adukacyi, testavańnie adbudziecca z 15 červienia pa 1 lipienia. Pieršym ispytam tradycyjna stanie test pa biełaruskaj movie.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary