Udzielniki «niezakonnych mitynhaŭ» pad uździejańniem «arhanizataraŭ-manipulataraŭ» mohuć stać lohka kirujemymi maryjanietkami. Takoje mierkavańnie BiełTA vykazaŭ načalnik upraŭleńnia achovy pravaparadku MUS Dźmitryj Kurjan.
Jon adznačyŭ, što niedazvolenyja akcyi mohuć spravakavać skopišča ludziej na abmiežavanaj terytoryi, vyklikać ciskaninu. A jana moža pryvieści da taho, što ŭdzielniki akcyi abo vypadkovyja prachožyja atrymajuć traŭmy.
«Asabliva heta pavinny pamiatać tyja, chto na takija mierapryjemstvy nieabdumana biare z saboj dziaciej, — skazaŭ Dźmitryj Kurjan. — Zrazumieła, stychijnaje stoŭpatvareńnie pieraškadžaje svabodnamu prachodu i ruchu astatnich ludziej, adciahvaje ŭvahu vadzicielaŭ, a vychad na prajeznuju častku moža spravakavać DTZ».
«Kali ž mierapryjemstva pa-za zakonam, uźnikajuć składanaści. Naprykład, nieviadoma, u jakim napramku paviaduć udzielnikaŭ akcyi jaje lidary, da jakich dziejańniaŭ mohuć zaklikać. U ludziej spracoŭvaje tak zvanaja psichałohija natoŭpu, uźnikaje biespadstaŭnaja ŭpeŭnienaść u adsutnaści asabistaj adkaznaści za toje, što adbyvajecca, pad uździejańniem arhanizataraŭ-manipulataraŭ jany mohuć stać lohka kirujemymi maryjanietkami», — zaŭvažyŭ načalnik upraŭleńnia. Jon dadaŭ, što, urešcie, supracoŭnikaŭ milicyi davodzicca adryvać ad štodzionnaj dziejnaści — zatrymańnia złamyśnikaŭ i raskryćcia złačynstvaŭ.
