Hałoŭnym trenieram chakiejnaha kłuba «Dynama» (Minsk) pavinien być śpiecyjalist vysokaha ŭzroŭniu, zajaviŭ žurnalistam 6 sakavika ŭ Minsku staršynia Fiederacyi chakieju, ministr unutranych spraŭ Uładzimir Navumaŭ.
«Niavažna, ajčynny heta śpiecyjalist ci zamiežny. Niachaj navat heta budzie niehr, kali ŭ jaho jość vysokaja kvalifikacyja».
U. Navumaŭ čarhovy raz admoviŭsia nazvać proźvišča treniera, ź jakim viaducca pieramovy. «Čakajcie krasavika. Ale kali ŭ vas jość hrošy na štraf, jaki nakładzie kiraŭnictva KCHŁ, tady nie budzie prablem», — skazaŭ kiraŭnik FCHRB. Jon pakinuŭ biez kamientara mierkavańnie, što z «Dynama» budzie pracavać siońniašni hałoŭny trenier «Junactva» Michaił Zacharaŭ.
Navumaŭ adznačyŭ, što nie admaŭlajecca ad idei sumiaščeńnia trenieram pasadaŭ u «Dynama» i zbornaj.
Na pres-kanfierencyi 2 sakavika ministr unutranych spraŭ paviedamiŭ, što pazicyja siońniašniaha hałoŭnaha treniera «Dynama» Vasila Śpirydonava, jaki vviaviŭ žadańnien praciahnuć pracu z kamandaj, uličvajecca, jamu budzie «dadziena pa zasłuhach». Što heta aznačaje, Navumaŭ padčas siońniašniaj hutarki z žurnalistami ŭdakładniać nie staŭ.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju5
Kamientary