Karotkačasovyja apadki i hałalodzica čakajucca ŭ Biełarusi ŭ bližejšyja dni, da Kalad pryjduć marazy, paviedamili BiełTA ŭ Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody.
U subotu, 4 studzienia ŭmovy nadvorja na terytoryi Biełarusi buduć vyznačać atmaśfiernyja franty z Zachodniaj Jeŭropy. Na bolšaj častcy terytoryi krainy čakajucca karotkačasovyja apadki (doždž, mokry śnieh). Na asobnych učastkach daroh mahčymaja hałalodzica. Tempieratura pavietra ŭnačy składzie ad minus 4 da plus 1, dniom budzie ad nula da plus 5 hradusaŭ.
U niadzielu, 5 studzienia, pad upłyvam frantalnych padziełaŭ nočču i ranicaj na bolšaj častcy terytoryi Biełarusi, dniom miescami, pieravažna pa ŭschodzie, projdzie karotkačasovy śnieh, mokry śnieh, jaki budzie supravadžacca paryvistym vietram i słabaj zaviejaj. Na asobnych učastkach daroh čakajecca hałalodzica. Tempieratura pavietra na praciahu sutak składzie ad minus 4 da plus 2 hradusaŭ.
U paniadziełak, 6 studzienia, nočču ŭ vobłaści pavyšanaha cisku budzie ŭ asnoŭnym biez apadkaŭ, tolki pa paŭnočnym zachadzie čakajecca karotkačasovy śnieh. Ranicaj i dniom čarhovaja sistema frantoŭ abumović na bolšaj častcy terytoryi krainy karotkačasovyja apadki (śnieh, mokry śnieh, jaki budzie pierachodzić u doždž). Miescami mahčymy słaby hałalod, na darohach hałalodzica. Tempieratura pavietra ŭnačy składzie 3-9 hradusaŭ marozu, pry prajaśnieńniach pavietra astynie da minus 12. Dniom budzie ad minus 4 da plus 3 hradusaŭ.
U aŭtorak, 7 studzienia, nočču miescami, dniom pieravažna pa zachodniaj častcy Biełarusi projduć karotkačasovyja apadki (mokry śnieh, doždž). U asobnych rajonach čakajucca tuman, słaby hałalod, na darohach hałalodzica. Tempieratura pavietra ŭnačy składzie ad nula da minus 6, pry prajaśnieńniach - da 9 hradusaŭ marozu. Dniom budzie ad minus 3 da plus 3 hradusaŭ.
U sieradu, 8 studzienia, umovy nadvorja buduć vyznačać frantalnyja padzieły i pavietranyja masy atłantyčnaha pachodžańnia. Nočču miescami, dniom pieravažna pa paŭnočna-zachodniaj častcy krainy projduć karotkačasovyja apadki (doždž, mokry śnieh). Čakajecca słaby tuman, nočču i ranicaj słaby hałalod, na asobnych učastkach daroh hałalodzica. Dniom prahnazujecca paryvisty viecier. Tempieratura pavietra ŭnačy składzie ad minus 5 da plus 1, dniom - ad nula da plus 5 hradusaŭ.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary