U Kličaŭskim rajonie dvuchhadovaje dzicia atruciłasia nieviadomaj vadkaściu — jano ŭ reanimacyi, paviedamlaje Mogilevnews.by. 2 studzienia siamja ź vioski Dźmitryjeŭka Kličaŭskaha rajona pavinna była śviatkavać dvuchhodździe małodšaha dziciaci.
Kala piataj hadziny viečara, kali 30-hadovaja žančyna z dvuma starejšymi dziećmi znachodziłasia ŭ pakoi, małodšaje dzicia «haspadaryła» na kuchni. Dzicia vypiła vadkaść ź nieviadomaj butelki. Maci chutka zreahavała na dziciačy kryk i vyklikała chutkuju dapamohu.
Paciarpiełaha špitalizavali ŭ reanimacyju rajonnaj, a zatym Mahiloŭskaj abłasnoj dziciačaj balnicy. Stan dziciaci aceńvajecca jak ciažki. Reštki nieviadomaj vadkaści zabrali dla praviadzieńnia sudova-chimičnaj ekśpiertyzy. Ekśpierty pavinny vyśvietlić kankretny chimičny skład kanfiskavanaha srodku.