Sinoptyki raspaviali, ci dačakajucca biełarusy hetaj zimoj śniežnych hurbaŭ
U nastupnyja dni nadvorje, pavodle Biełhidramieta, mianiacca nie budzie. U studzieni paŭmiatrovych śniežnych hurbaŭ žychary Biełarusi, pavodle prahnozaŭ, dakładna nie ŭbačać, piša Tut.by.
Pačatak druhoj dekady studzienia prahnazujecca z pavyšanymi tempieraturami i vialikaj kolkaściu apadkaŭ. U asnoŭnym, u vyhladzie daždžu i mokraha śniehu. Nočču -4 - +2 hradusa, dniom +1 - +6 hradusaŭ.
- U asobnyja dni treciaj dekady čakajucca karotkačasovyja apadki — doždž i mokry śnieh. Da kanca miesiaca kolkaść apadkaŭ pavialičycca, — raskazaŭ Alaksandr Biahanski. — Što tyčycca tempieratury, to ŭ hety pieryjad jana čakajecca blizkaj da klimatyčnaj normy. Nočču pieravažna słabaadmoŭnaja, dniom — blizkaja da nula.
— Ci dačakajemsia my śniehu ŭ hetym hodzie? — udakładnili ŭ śpiecyjalista.
- Nielha skazać, što śniehu nie budzie. Paŭmiatrovych hurbaŭ čakać nie davodzicca, bo tempieratura vysokaja. Razam z tym, heta nie admianiaje taho faktu, što pry bolš aktyŭnych atmaśfiernych frantach moža vypadać mokry abo suchi śnieh. Ale čas jaho ŭtrymańnia budzie zaležyć ad tempieratury pavietra. Kali tempieratura budzie panižacca, śniežnaje pokryva budzie zachoŭvacca daŭžej za dzień.
Ale ŭ bližejšyja šeść dzion, adznačyŭ Alaksandr Biahanski, naŭrad ci ziamlu nakryje śniežnym pokryvam.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta2
Kamientary