U Maładziečnie pradaviec sałona mabilnaj suviazi aformiła kredyty na 15 klijentaŭ. A jany i nie padazravali pra heta
U Maładziečanski RAUS źviarnulisia kala 15 čałaviek, jakija zajavili, što ź ich patrabujuć apłatu za mabilnyja telefony, jakija jany nibyta aformili ŭ rasterminoŭku. Nasamreč smartfony jany nie kuplali, paviedamlaje abłasnaja milicyja.
Apieratyŭniki vyśvietlili, što maładziečancam ad apieratara sotavaj suviazi pastupili pretenzii ab zapazyčanaści pa rasterminoŭcy. Zajaŭniki nie viedali, što na ich pašpart byŭ aformleny tak zvany kredyt. Jak akazałasia, raniej usie ašukanyja hramadzianie źviartalisia ŭ adzin i toj ža sałon adnaho z apierataraŭ sotavaj suviazi, dzie nabyvali sim-karty albo mabilnyja pryłady.
Supracoŭniki ABEZ vyjšli na śled 24-hadovaj supracoŭnicy sałona. Dziaŭčyna afarmlała ŭ rasterminoŭku telefony, vykarystoŭvajučy pašpartnyja danyja klijentaŭ. Paśla hadžety pradavała praź internet pa pryvabnych cenach, a atrymanyja hrošy traciła. Kali ŭ kramu źviartalisia paciarpiełyja klijenty, dziaŭčyna, kab schavać fakty svajoj złačynnaj dziejnaści, spasyłałasia na pamyłki ŭ elektronnaj bazie.
Za dva miesiacy maładziečanka takim čynam aformiła ŭ rasterminoŭku smartfony na 5 tysiač rubloŭ. Rabotnica pryznała vinu i raskajałasia ŭ zroblenym. Svoj učynak jana abhruntavała ciažkim finansavym stanoviščam.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary