Uitkaf jedzie ŭ Šviejcaryju na pieramovy ź Iranam, ci pajedzie Vens — nieviadoma
Śpiecpasłańnik prezidenta ZŠA adpraviŭsia ŭ Šviejcaryju, dzie, jak čakajecca, adbudziecca pieršy raŭnd pieramovaŭ ź Iranam pra patencyjnaje jadziernaje pahadnieńnie, paviedamlaje Axios sa spasyłkaj na amierykanskuju krynicu.
Čynoŭnik taksama paviedamiŭ vydańniu, što ziać Donalda Trampa Džared Kušnier, jaki taksama vykonvaje rolu pasłańnika, užo znachodzicca ŭ Šviejcaryi.
Pieramovy pavinny byli pačacca ŭ piatnicu, ale byli adkładzieny z-za bajavych dziejańniaŭ pamiž Izrailem i «Chiezbałoj» u Livanie, nahadvaje vydańnie. U piatnicu baki abviaścili pra spynieńnie ahniu. Pakul nieviadoma, ci pryznačany novy čas dla pieramovaŭ.
Pa słovach krynicy Axios z adnoj z krain-pasiarednikaŭ, ministr zamiežnych spraŭ Irana Abas Arakčy zajaviŭ u piatnicu niekalkim svaim kaleham, što spynieńnie ahniu ŭ Livanie źjaŭlajecca krytyčna važnym pytańniem dla Irana i «rašučym» dla amierykana-iranskich pieramovaŭ.
Pa słovach jašče adnoj krynicy, irancy zajavili, što chočuć ubačyć ustojlivaje spynieńnie ahniu da pajezdki ŭ Šviejcaryju, i pa hetaj pryčynie pieramovy nie mohuć pačacca raniej paniadziełka, choć terminy mohuć źmianicca.
Premjer-ministr Katara, adzin z klučavych pasrednikaŭ pamiž ZŠA i Iranam, prybyŭ u Šviejcaryju ranicaj u piatnicu. Čakałasia, što vice-prezident ZŠA Džej Dzi Vens uznačalić amierykanskuju delehacyju, ale ŭ apošni momant u čaćvier viečaram jon adkłaŭ pajezdku. Nieviadoma, ci adbudziecca jana ŭ hetyja vychadnyja, adznačaje Axios.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary