Zdareńnie adbyłosia dniami ŭ Fanipali. Inśpiektar DPS adździeła DAI Dziaržynskaha RAUS kapitan milicyi Dzianis Butkievič vyjechaŭ u Fanipal: pastupiła paviedamleńnie, što na prypynku na Kamsamolskaj stajać aŭtamabili z parušeńniem pravił darožnaha ruchu, paviedamlaje abłasnaja milicyja.
Prybyŭšy na miesca, inśpiektar ubačyŭ, što ŭładalnica adnaho z aŭto staić pobač z mašynaj, ale adkryć jaje nie moža, bo nie pracuje zamok. Jak akazałasia, haspadynia mašyny pastaviła na piaredniaje pasažyrskaje siadzieńnie pieranosku ź dziciem. Pakul jana abychodziła aŭtamabil, kab sieści za rul, zamok vypadkova začyniŭsia. Paśla hetaha ŭ aŭtamabil jana patrapić nie mahła, bo najaŭnym u jaje klučom aŭtamabil nie adčyniaŭsia.
Žančyna bajałasia pakinuć dzicia adnaho i paprasiła supracoŭnika DAI źjeździć da jaje ŭ internat u v. Tamkovičy pa zapasny kluč. Inśpiektar DPS apieratyŭna pryvioz jaho, i kiroŭca narešcie zmahła trapić u svaju mašynu da dziciaci.
Uličvajučy pieraniesienaje mamaj chvalavańnie, inśpiektar abmiežavaŭsia praviadzieńniem prafiłaktyčnaj hutarki i vusnaj zaŭvahaj za parušeńnie praviłaŭ prypynku i stajanki.
