«U połackaj v/č 5530 unutranych vojskaŭ MUS adbyłasia trahiedyja. Učora, 22 lutaha, na terytoryi čaści znajšli paviešanym 18-hadovaha sałdata terminovaj słužby», — takoje paviedamleńnie źjaviłasia ŭ telehram-kanale NEXTA.
Infarmacyja šyrycca i chvaluje baćkoŭ chłopcaŭ.
Ale aficyjnyja asoby ŭsio admaŭlajuć.
«Infarmacyja niepraŭdzivaja! Zaraz uvieś asabovy skład zhadanaj čaści i ŭnutranych vojskaŭ žyvy i zdarovy. Rablu vysnovu, što heta abo namierany fejk, abo niešta nabłytana, ale zhadanaja naša čaść», — skazaŭ «Našaj Nivie» pres-sakratar unutranych vojskaŭ Uładzimir Parchomcaŭ.
«Poŭnaja łuchta, praźmierny fejk! Heta nie śmiešna navat, ujaŭlaju pačućci baćkoŭ, kali chtości heta ŭbačyŭ. Ja b sama sabie miesca nie znachodziła», — skazała pres-sakratar MUS Volha Čamadanava.
U Ministerstvie abarony na pytańnie «Našaj Nivy» taksama adkazali, što nie majuć takoj infarmacyi.