Zdareńnie adbyłosia 25 lutaha. U 11.13 na numar «101» ad vidavočcaŭ pastupiła paviedamleńnie: u domie pa vulicy Niomanskaj u aknie vośmaha paviercha staić žančyna. Na miesca vyjechali rabotniki MNS, MUS i bryhada chutkaj dapamohi, paviedamlaje 112.by.
Pieršyja padraździaleńni vyratavalnikaŭ prybyli na miesca praz šeść chvilin.
Kali rabotniki MNS stali padymać aŭtakalenčaty padjomnik, kab parazmaŭlać z žančynaj, jana viarnułasia ŭ kvateru i začyniła akno. U hety čas unizie ratavalniki razhortvali śpiecyjalnuju pnieŭmatyčnuju padušku — «kub žyćcia». Asnoŭnym pryznačeńniem dadzienaj kanstrukcyi źjaŭlajecca evakuacyja ludziej ź vierchnich pavierchaŭ budynkaŭ.
Da taho momantu, jak rabotniki MNS razharnuli «kub žyćcia», 36-hadovaja žančyna znoŭ adčyniła akno i skoknuła ŭniz.
112.by
Čytajcie taksama: «Takoje adbyvajecca štohod, vykidvała i stoł, i kresły» — što kažuć pra žančynu, jakaja kinułasia z akna na Kamiennaj Horcy
Bryhada miedykaŭ sumiesna z ratavalnikami ahledzieła žančynu. Jana špitalizavana z papiarednim dyjahnazam čerapna-mazhavaja traŭma. Pryčyny zdareńnia vyśviatlajucca.
