Здарэнне адбылося 25 лютага. У 11.13 на нумар «101» ад відавочцаў паступіла паведамленне: у доме па вуліцы Нёманскай у акне восьмага паверха стаіць жанчына. На месца выехалі работнікі МНС, МУС і брыгада хуткай дапамогі, паведамляе 112.by.
Першыя падраздзяленні выратавальнікаў прыбылі на месца праз шэсць хвілін.
Калі работнікі МНС сталі падымаць аўтакаленчаты пад'ёмнік, каб паразмаўляць з жанчынай, яна вярнулася ў кватэру і зачыніла акно. У гэты час унізе ратавальнікі разгортвалі спецыяльную пнеўматычную падушку — «куб жыцця». Асноўным прызначэннем дадзенай канструкцыі з'яўляецца эвакуацыя людзей з верхніх паверхаў будынкаў.
Да таго моманту, як работнікі МНС разгарнулі «куб жыцця», 36-гадовая жанчына зноў адчыніла акно і скокнула ўніз.
Чытайце таксама: «Такое адбываецца штогод, выкідвала і стол, і крэслы» — што кажуць пра жанчыну, якая кінулася з акна на Каменнай Горцы
Брыгада медыкаў сумесна з ратавальнікамі агледзела жанчыну. Яна шпіталізавана з папярэднім дыягназам чэрапна-мазгавая траўма. Прычыны здарэння высвятляюцца.
Каментары