Łukašenka: Što nas trymaje ŭ JEAES, kali navokał pieraškody, barjery i vyklučeńni?
Alaksandr Łukašenka zajaŭlaje pra niedachop u JEAES dekłaravanych svabod. Adpaviednyja zajavy jon zrabiŭ siońnia na sustrečy sa staršynioj Kalehii Jeŭrazijskaj ekanamičnaj kamisii Michaiłam Miaśnikovičam, pieradaje BIEŁTA.
«Tych svabod, jakija my kaliści dekłaravali, siońnia praktyčna niama. Abo jany jość, možna skazać miakka, nie ŭ poŭnym abjomie. Dapuścim, svabodnaje pieramiaščeńnie tavaraŭ, pasłuh, rabočaj siły i kapitału. Heta padmurak budaŭnictva našaha sajuza.
My da hetaha času hetaha nie majem. I viedajecie čamu — pafihizm, jaki zasnavany na niejkaj abyjakavaści asobnych dziaržaŭ. Druhija bačać siabie ŭ inšym sajuzie, prosta cielapajucca ŭ JEAES i čakajuć niejkaha zručnaha momantu, kab vyskačyć ź jaho. Ci ž prosta tak: niachaj, i dalej budziem cielapacca», — zajaviŭ biełaruski kiraŭnik.
«Tamu pavinny być realizavany choć by hetyja kłasičnyja adzinyja pryncypy. Hetaha pakul niama», — padkreśliŭ jon.
Alaksandr Łukašenka pryvioŭ źviestki, što ŭ JEAES zaraz jość 14 vyklučeńniaŭ, 37 abmiežavańniaŭ i 15 barjeraŭ. «Ich ža daŭno treba było źniać.
U advarotnym vypadku, jaki intares u hetym sajuzie? Što nas trymaje ŭ sajuzie, kali navokał pieraškody, barjery i vyklučeńni?» — pastaviŭ pytańnie kiraŭnik dziaržavy.
Jon padkreśliŭ, što sajuz budujecca dla taho, kab stvaryć roŭnyja ŭmovy dla kampanij, pradpryjemstvaŭ i ludziej. «Ale z tych časoŭ, jak pačali budaŭnictva sajuza, my ŭsio bolš i bolš adychodzim ad hetych roŭnych umoŭ. Bolš za toje, pačynajucca niezrazumiełyja patrabavańni i prymusy, manapalizm», — źviarnuŭ uvahu kiraŭnik Biełarusi.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary