Daktary ŭ Italii nie stali lekavać pracoŭnuju mihrantku, chvoruju na karanavirus. Jana viarnułasia ŭ Małdovu ŭ ciažkim stanie
Syn hramadzianki Małdovy, jakaja viarnuŭsia ź Italii z karanavirusam, abvierh abvinavačvańni premjer-ministra krainy ŭ biezadkaznaści maci i zajaviŭ, što jana ŭziała bilet na samalot paśla taho, jak u balnicy Italii joj nie paćvierdzili karanavirus. Pra heta paviedamlaje małdaŭskaja hazieta Diez.
U Małdovie pieršy vypadak zaražeńnia karanavirusam 7 sakavika byŭ znojdzieny ŭ 48-hadovaj žančyny, jakaja viarnułasia samalotam ź Miłana. Da špitalizacyi ŭ jaje byli haračka, kašal i vostraja dychalnaja niedastatkovaść.
Ułady Małdovy zajavili, što, niahledziačy na drennaje samaadčuvańnie, žančyna pakinuła balnicu i zabrała bilet na samalot u Małdovu, nie paviedamlajučy pra svoj stan ni pamiežnikam, ni ściuardesie. Premjer-ministr Małdovy Ijon Kiku nazvaŭ takija pavodziny biezadkaznymi.
Pa słovach syna, žančyna pracavała ŭ Bierhama, Italija, dzie dahladała pažyłoha italjanca. Kala tydnia tamu jana zachvareła i nakiravałasia ŭ balnicu z padazreńniem na karanavirus. Pakul jana znachodziłasia ŭ balnicy, italjaniec, pra jakoha jana kłapaciłasia, byŭ špitalizavany z sardečnym prystupam.
Italjanskija lekary, pa słovach syna, vypisali jaho maci, skazaŭšy, što ŭ jaje niama karanavirusa. Jany pryznačyli joj antybijotyki. U toj ža čas dačka italjanca, na jakoha pracavała žančyna, skazała, što joj bolš nie patrebnyja pasłuhi małdavanki.
Zastaŭšysia biez dachu nad hałavoj, žančyna, pa słovach syna, uziała bilet na samalot dadomu i praviała dźvie nočy ŭ hateli, pakul čakała rejs.
Jaje syn prosić ułady Małdovy źviarnucca da daktaroŭ u Bierhama, kab jany pryznali svaju niadbajnaść i dapamahli maci ź nieabchodnymi lekami.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB18
Kamientary