Hanna Kanapackaja źbirajecca siońnia pikietavać Dom urada, patrabujučy, kab u Biełarusi ŭviali karancin
Fota Voli Aficeravaj
Byłaja deputatka Pałaty pradstaŭnikoŭ Hanna Kanapackaja zajaviła, što zładzić siońnia pad viečar adzinočny pikiet kala Doma ŭrada ŭ Minsku.
Jana apublikavała ŭ svaim telehram-kanale zvarot da ŭrada: «Pavažanaje spadarstva, nie biarycie hrech na dušu — abviaścicie ŭ krainie karancin, zakryjcie miežy».
Hanna Kanapackaja skazała karespandentu «Svabody», što «kali ŭłady tak nie reahujuć, to treba reahavać nam».
«Adzinaja ŭpaŭnavažanaja asoba, jakaja moža pryniać hetaje rašeńnie, — urad u asobie premjer-ministra albo vice-premjera, jakija adkazvajuć za achovu zdaroŭja. Siońnia ja nie baču hatoŭnaści biełaruskaj miedycyny procistajać epidemii, jakaja ŭžo adbyvajecca ŭ Biełarusi. Na ŭvieś Minsk u nas adna infiekcyjnaja lakarnia dla darosłych, pabudavanaja ŭ 1913 hodzie na 200 łožkaŭ. Heta nienarmalna. Liču, što naša ŭłada nie hatovaja supraćstajać surjoznym vyklikam», — skazała Kanapackaja.
Jana ličyć, što karancin treba było ŭvodzić «jašče ŭčora».
«A kali kazać u pryncypie ab prablemach u achovie zdaroŭja, to treba było budavać nie novuju lakarniu dla vybranych čynoŭnikaŭ, a infekcyjnuju. I treba pravodzić surjoznuju strukturnuju reformu ŭ achovie zdaroŭja», — skazała Kanapackaja.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam14
Kamientary