ŚMI: śmiarotnaść ad karanavirusa ŭ Italii vysokaja, bo testy rabili tolki pacyjentam ź simptomami
Pryčynaj vysokaj śmiarotnaści ad karanavirusa ŭ Italii źjaŭlajucca demahrafičnyja asablivaści krainy, dzie vialikaja dola nasielnictva prypadaje na starejšaje pakaleńnie, a taksama sistema testavańnia, jakaja praduhledžvaje pravierku tolki pacyjentaŭ ź jaskravymi simptomami. Taki punkt hledžańnia vykazała ŭ niadzielu italjanskaja hazieta Corriere della Sera, piša tass.ru.
Pa liku śmiarotnych vypadkaŭ Italija abahnała Kitaj, a taksama Iran i Paŭdniovuju Kareju razam uziatyja. Na padstavie štodzionnych źviestak, śmiarotnaść u Italii dasiahaje 9% (u paŭnočnaj vobłaści Łambardyja da 12%) suprać siaredniaj latalnaści ŭ Kitai 3,8% (5,8% u Uchani i 0,7% u astatnich rajonach Kitaja).
Na dumku Corriere della Sera, hetyja ličby nie adlustroŭvajuć realnych maštabaŭ zaražeńnia, bo z raźvićciom epidemii Italija źmianiła stratehiju testavańnia. Pry pieršych vypadkach testy rabilisia ŭsim, chto kantaktavaŭ ź infikavanymi asobami. Z rostam kolkaści zaražeńniaŭ, a taksama z-za niedachopu materyjałaŭ i piersanału było vyrašana testavać na karanavirus tolki ludziej ź vidavočnymi i dosyć ciažkimi simptomami.
Narešcie, vydańnie adznačaje, što, pakolki zachvorvańnie ŭ asnoŭnym zakranaje dychalnyja šlachi, śmiarotnyja zychody mohuć śviedčyć ab ahulnym stanie lohkich u nasielnictva. U suviazi z hetym havorka moža iści ab niespryjalnaj ekałahičnaj abstanoŭcy ŭ apošnija hady ŭ bujnych haradach na poŭnačy Italii, dzie značna pieravyšanyja pakaźniki dapuščalnaha ŭtrymańnia škodnych čaścic u atmaśfiery. Nie apošnim faktaram nazyvajecca i kureńnie: ekśpierty zaŭvažyli, što ŭ najbolš ciažkich vypadkach chvoryja časta źjaŭlajucca kurcami.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary