Kanfierens-centr IFEMA pieraabstalavany pad novy špital na 1300 łožkaŭ. A susiedni ź im Ladovy pałac stanie časovym morham, bo isnyja centry rytualnych pasłuh pierapoŭnienyja.
Ispanija — druhi paśla Italii ahmień pandemii ŭ Jeŭropie.
U Ispanii ad karanavirusa pamierła bolš za 2200 čałaviek. Bolšaja pałova achviar — z Madryda. 87% pamierłych — ludzi, starejšyja za 70 hadoŭ, paviedamiŭ Fiernanda Simon, kiraŭnik miedycynskaj słužby nadzvyčajnych situacyj krainy.
Ispanija pieražyvaje krytyčny momant u baraćbie z epidemijaj. Miedycynskaja sistema krainy pierahružanaja, mnohija miedyki vyviedzienyja sa stroju, bo sami infikavanyja. Miedpiersanał składaje 12% siarod vyjaŭlenych zaražeńniaŭ.
Ispanija zabaviłasia z uviadzieńniem strohaha karancinu, u vyniku raspaŭsiudžvańnie infiekcyi vyjšła z-pad kantrolu.
Heta samaja katastrafičnaja dla krainy situacyja ad časoŭ Hramadzianskaj vajny 1936-1939 hadoŭ.
Čytajcie taksama: Tłumačym, čamu nastupnyja tydni ŭ śviecie praciahniecca rost śmierciaŭ ad karanavirusa
Usiaho ŭ śviecie pa stanie na siaredzinu dnia 23 sakavika ad Covid-19 pamierła bolš za 15 300 čałaviek. Na žal, temp pandemii pakul narastaje.
Ispanija ŭviała režym strohaha karancinu tolki na minułym tydni, efiekt hetaha kroku stanie vidavočny praz tydzień-dva.
Siarod viadomych ispancaŭ, jakija padčapili zarazu, — opierny śpiavak Płasida Daminha i žonka premjer-ministra krainy.
Čytajcie taksama: «A 20-j usie vychodziać na bałkony i apładzirujuć miedykam». Biełaruska, jakuju karanavirus zaśpieŭ u Katałonii, raskazała pra svoj pobyt u novym epicentry pandemii
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja50
Kamientary