Канферэнс-цэнтр IFEMA пераабсталяваны пад новы шпіталь на 1300 ложкаў. А суседні з ім Лядовы палац стане часовым моргам, бо існыя цэнтры рытуальных паслуг перапоўненыя.
Іспанія — другі пасля Італіі агмень пандэміі ў Еўропе.
У Іспаніі ад каранавіруса памерла больш за 2200 чалавек. Большая палова ахвяр — з Мадрыда. 87% памерлых — людзі, старэйшыя за 70 гадоў, паведаміў Фернанда Сімон, кіраўнік медыцынскай службы надзвычайных сітуацый краіны.
Іспанія перажывае крытычны момант у барацьбе з эпідэміяй. Медыцынская сістэма краіны перагружаная, многія медыкі выведзеныя са строю, бо самі інфікаваныя. Медперсанал складае 12% сярод выяўленых заражэнняў.
Іспанія забавілася з увядзеннем строгага каранціну, у выніку распаўсюджванне інфекцыі выйшла з-пад кантролю.
Гэта самая катастрафічная для краіны сітуацыя ад часоў Грамадзянскай вайны 1936-1939 гадоў.
Чытайце таксама: Тлумачым, чаму наступныя тыдні ў свеце працягнецца рост смерцяў ад каранавіруса
Усяго ў свеце па стане на сярэдзіну дня 23 сакавіка ад Covid-19 памерла больш за 15 300 чалавек. На жаль, тэмп пандэміі пакуль нарастае.
Іспанія ўвяла рэжым строгага каранціну толькі на мінулым тыдні, эфект гэтага кроку стане відавочны праз тыдзень-два.
Сярод вядомых іспанцаў, якія падчапілі заразу, — оперны спявак Пласіда Дамінга і жонка прэм'ер-міністра краіны.
Чытайце таксама: «А 20-й усе выходзяць на балконы і апладзіруюць медыкам». Беларуска, якую каранавірус заспеў у Каталоніі, расказала пра свой побыт у новым эпіцэнтры пандэміі
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»23
Каментары