Homielski abłasny sud pryznačyŭ datu słuchańniaŭ kryminalnaj spravy pa abvinavačańni čatyroch žycharoŭ vioski Puchavičy Žytkavickaha rajona Homielskaj vobłaści ŭ zabojstvie svajho adnaviaskoŭca.
Pieršaje pasiedžańnie zapłanavana na 7 krasavika. Słuchańnie spravy adbudziecca ŭ Homielskim abłasnym sudzie, paviedamlaje BIEŁTA.
***
Raniej paviedamlałasia, što psichijatryčnaja ekśpiertyza pryznała, što čatyry abvinavačvanyja, u liku jakich dziaŭčyna, znachodzilisia ŭ stanie śviadomaści.
Im pradjaŭlena abvinavačvańnie ŭ zabojstvie ŭ adpaviednaści z častkaj 2 artykuła 139 Kryminalnaha kodeksa (zabojstva, učynienaje hrupaj asob), što karajecca pazbaŭleńniem voli na termin ad vaśmi da 25 hadoŭ, abo pažyćciovym źniavoleńniem, abo śmiarotnym pakarańniem.
Žorstkaje zabojstva Mikałaja Makareviča, 1957 hoda naradžeńnia, adbyłosia 31 śniežnia 2008 hoda. Jaho cieła sprabavali spalić, a zatym advieźli i schavali kala vioski Bieleŭ Žytkavickaha rajona.
10 studzienia pa padazreńni ŭ zabojstvie byli zatrymanyja try miascovyja žychary — 1972, 1974 i 1985 hadoŭ naradžeńnia. Ich źmiaścili ŭ śledčy izalatar, adnak 6 lutaha, paśla ŭmiašańnia prezidenta krainy, miera strymańnia była źmienienaja na chatni aryšt.
24 lutaha abvinavačańnie ŭ zabojstvie było pradjaŭlena 21‑hadovaj žycharcy Puchavičaŭ, jakaja raniej była asudžana za naniasieńnie ciažkich cialesnych paškodžańniaŭ svajmu sužycielu i adbyvała pakarańnie ŭ vyhladzie abmiežavańnia voli, adznačaje BiełaPAN.
Ciapier čytajuć
Z 1 lipienia niekatoryja tavary na kasach samaabsłuhoŭvańnia treba budzie apłačvać pa-novamu1
Kamientary