Alaksandr Łukašenka pryniaŭ siońnia z dakładam dziaržaŭnaha sakratara Rady biaśpieki Andreja Raŭkova, ministra abarony Viktara Chrenina i načalnika hałoŭnaha raźviedvalnaha ŭpraŭleńnia — namieśnika načalnika Hienieralnaha štaba Uzbrojenych Sił Paŭła Cichanava, pieradaje BIEŁTA.
«Jak i damaŭlalisia my raniej, ja chacieŭ by z vami abmierkavać šerah pytańniaŭ, jakija tyčacca nie tolki stanu spraŭ u našaj armii. Ale i na złobu dnia pytańnie, jakoje prahučała ŭ nas jašče ŭ minułym hodzie. Pytańnie reahavańnia na toje, što adbyvajecca la našych miežaŭ. Heta vučeńni NATA «Abaronca Jeŭropy 2020», — skazaŭ kiraŭnik dziaržavy.
Alaksandr Łukašenka ŭ pryvatnaści paznačyŭ temu, jakija dziejańni robiacca zaraz z boku błoka NATA. «Ja nie chacieŭ by, kab heta ŭsprymali jak brazhańnie zbrojaj z našaha boku. My na siońniašni dzień vučeńni NATA, jakija pravodziacca ŭ niepasrednaj blizkaści ad našych miežaŭ, tak nie ŭsprymajem. Jašče i tamu, što jany značna adstupili ad svaich pieršapačatkovych płanaŭ. Dumaju, raźviedka dałožyć, jakaja tam situacyja, i my abmiarkujem hetaje pytańnie, a taksama zrobim dalejšyja kroki pa reahavańni na toje, što adbyvajecca la našych miežaŭ», — adznačyŭ biełaruski kiraŭnik.
Jon vykazaŭ upeŭnienaść, zychodziačy z najaŭnaj infarmacyi, što biełaruski bok spravicca z hetaj situacyjaj. «Nie pavinna być nijakaj praźmierščyny, — padkreśliŭ Alaksandr Łukašenka. — Ja jašče ŭ minułym hodzie vam daručaŭ, kab my vypracavali adekvatnyja miery reahavańnia. Heta, u rešcie rešt, i hrošy. Tamu praźmiernaha być nie pavinna. Treba heta niejak supastavić i upleści ŭ tuju tkaninu pracy armii, jakaja siońnia isnuje. Heta pavinna być na karyść armii. A pakazuchi być nie pavinna».
Kamientary