Ministr achovy zdaroŭja Biełarusi Uładzimir Karanik vykazaŭ nadzieju, što pandemiju moža spynić viesnavoje paciapleńnie i pavieličeńnie intensiŭnaści soniečnaha śviatła, ultrafijaletavaha vypramieńvańnia.
Raniej takoje ž spadziavańnie vykazvaŭ prezident Biełarusi Alaksandr Łukašenka. «Vytrymajem da pravasłaŭnaha Vialikadnia — značyć, žyć budziem», — skazaŭ jon.
Mahčyma, mienavita spadziavańniem na siezonny charaktar infiekcyi mahło tłumačycca pramarudžvańnie z pryniaćciem supraćepidemičnych mier u Biełarusi ŭ lutym i sakaviku.
Na žal, źviestki z roznych kancoŭ śvietu nie dajuć padstaŭ dla aptymizmu.
Siarod najbolš uražanych karanavirusam takija paŭdniovyja harady, jak Madryd u Ispanii, Ńju-Arlean u ZŠA i navat Huajakil u Ekvadory, jaki lažyć na ekvatary.
Mała šancaŭ, što karanavirus adstupić pad soncam. Kolkaść jaho vypadkaŭ budzie zaležać ad śviadomych i adkaznych pavodzinaŭ ludziej i ich hatoŭnaści vykonvać normy hihijeny. U toj ža čas raspaŭsiudžvańnie virusaŭ časta spyniajecca ŭ vyniku ich mutacyj i vypracoŭki ŭ vialikaj kolkaści ludziej imunitetu da ich.
