U Minzdaroŭja patłumačyli, čamu ŭviali abmiežavańni na prodaž niekatorych lekaŭ u aptekach
Za paŭtara tydnia biełarusy skupili 14-miesiačny zapas paracetamołu.
U Biełarusi ŭviedzieny abmiežavańni na prodaž asobnych biezrecepturnych lekavych srodkaŭ u adny ruki. Pra heta na bryfinhu Ministerstva achovy zdaroŭja zajaviła namieśnik ministra achovy zdaroŭja Alena Bohdan, piša sb.by.
— My sutyknulisia ź biesprecedentnym popytam na niekatoryja leki. Usiaho za paŭtara tydnia ŭ našych aptekach skupili 14-miesiačny zapas paracetamołu. Zvyčajna taki abjom realizoŭvaŭsia na praciahu hoda i bolš. Tamu byli pryniaty miery, nie vielmi papularnyja, ale vymušanyja, — abmiežavańnie vodpusku lekavych srodkaŭ, jakija mohuć być vykarystany pry akazańni dapamohi pacyjentam z karanavirusnaj infiekcyjaj, a taksama z hrypam i inšymi vostrymi reśpiratornymi zachvorvańniami. Abmiežavańni zakranuli paracetamoł — nie bolš za 40 tabletak na ruki, preparata asieltamivir — nie bolš za dźvie ŭpakoŭki na ruki, a taksama miedycynskich masak — nie bolš za 10 štuk u adny ruki. Hetyja rekamiendacyi adnosiacca nie tolki da dziaržaŭnych aptek, ale i da kamiercyjnych aptečnych sietak, — skazała Alena Bohdan.
Akramia taho, Ministerstva achovy zdaroŭja pastanovaj kalehii dazvoliła našym farmaceŭtyčnym zavodam pastaŭlać hetyja lekavyja srodki ŭ terminovym paradku ŭ dyzajnie, jaki adroźnivajecca ad dyzajnu Respubliki Biełaruś. Heta značyć našy zavody vypracoŭvajuć vialikuju kolkaść hetych preparataŭ na ekspart, adnak u ciapierašni momant asnoŭnaja zadača składajecca ŭ zabieśpiačeńni ŭnutranaha rynku.
— Ź siońniašniaha dnia ŭ našych aptekach źjavicca toj ža paracetamoł, ale ŭ dyzajnie inšych krain, u jakija jon pastupaŭ. Adzinaja ŭmova dla biełaruskich vytvorcaŭ — instrukcyja na ruskaj movie va ŭpakoŭcy lekavaha srodku. Kab paskoryć vychad nieabchodnych preparataŭ, my dazvolili ich realizacyju biez pakavańnia ŭ kardonnaj skryncy, prodaž ich u kanvalutach, kali raniej ŭpakoŭka była zarehistravanaja jak kardonnaja, — adznačyła Alena Bohdan.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary