Staršynia Dokšyckaha rajvykankama padziakavaŭ vałancioram: «Navat kisłarodny aparat pieradali»
U intervju dokšyckaj rajoncy «Rodnyja vytoki» staršynia rajvykankama Aleh Kavalonak padziakavaŭ usim, chto supraćstaić epidemii ŭ horadzie.
«I dobraachvotnikam, i ŭ pieršuju čarhu miedrabotnikam, jakija siońnia ździajśniajuć štodzionny podźvih, my nizka kłaniajemsia. I kali budziem vykonvać elemientarnyja miery prafiłaktyki — nasić maski, karystacca antysieptykam, vytrymlivać 1,5 mietra adlehłaść, abmiažoŭvać naviedvańnie biez mety hramadskich miescaŭ i ŭstanoŭ, pry nieabchodnaści samaizalavacca i stroha prytrymlivacca nieabchodnych abmiežavańniaŭ — to nie dadamo im pracy», — padzialiŭsia Aleh Kavalonak.
Taksama staršynia padziakavaŭ usim arhanizacyjam, čyj transpart pa rašeńni rajonnaha štaba štodnia advozić u Viciebsk bijałahičny materyjał dla praviadzieńnia testaŭ na najaŭnaść karanavirusa.
Nie zabyŭsia staršynia Dokšyckaha rajvykankama padziakavać tym, chto apieratyŭna ŭziaŭsia šyć maski, a heta KUP BA «Bytavik» i škoły rajona, chto pieravioŭ srodki na raźlikovy rachunak dla dapamohi miedykam, jaki adkryli hramadskija arhanizacyi. Ahułam u CRB pastupiła kala troch tysiač rubloŭ hrašovych srodkaŭ i vyrabaŭ miedycynskaha pryznačeńnia na sumu bolš za 10 tysiač rubloŭ. Na pieraviedzienyja hrošy budzie nabyta miedycynskaje abstalavańnie dla lačeńnia pnieŭmanii, abiacaje kiraŭnik rajona.
Dokšyckaja parafija pryviezła maski, reśpiratary, adnarazovyja achoŭnyja kaściumy. Palčatki, maski i navat kisłarodny aparat pieradali viciebskija vałanciory.
Adnakłaśniki adnaho z kiroŭcaŭ chutkaj dapamohi, Viktara Sadoŭskaha, taksama dapamahli miedinvientarom.
Čytajcie
Dokšycy: balnicy zabity pacyjentami ź pnieŭmanijaj
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś22
Kamientary