Ministerstva justycyi Biełarusi raspracavała i adrasavała zacikaŭlenym dziaržaŭnym orhanam na ŭzhadnieńnie prajekt narmatyŭnaha pravavoha akta,
nakiravany na značnaje ŭzmacnieńnie mier adkaznaści vadzicielaŭ za kiravańnie transpartnym srodkam u stanie ałkaholnaha apjanieńnia.
Ab hetym BIEŁTA paviedamili ŭ pres‑słužbie Miniusta.
Zhodna z uniesienymi prapanovami praduhledžvajecca kanfiskacyja transpartnaha srodku za paŭtornaje na praciahu hoda paśla pryciahnieńnia da administracyjnaj adkaznaści kiravańnie transpartnym srodkam u stanie ałkaholnaha apjanieńnia.
U vypadku kali srodak pieramiaščeńnia nie źjaŭlajecca ŭłasnaściu asoby, jakaja ŭčyniła złačynstva, vinavataja asoba budzie abaviazana ŭnieści hrašovy ekvivalent koštu mašyny.
Akramia taho, da abciažvajučych abstavin učynieńnia administracyjnych pravaparušeńniaŭ, dapuščanych udzielnikami darožnaha ruchu, prapanavana adnieści tak zvanaje ahresiŭnaje vadžeńnie. Jaho sutnaść zaklučajecca ŭ takich pavodzinach za rulom, jakija naŭmysna viaduć da pavieličeńnia ryzyki sutyknieńnia abo matyvavany razdražnialnaściu, nieciarplivaściu, varožaściu abo sprobaj zekanomić čas za košt inšych udzielnikaŭ ruchu.
