Ministr Karpienka: Niachaj baćki nie chvalujucca — my ŭsich atestujem
U Biełarusi nivodny školnik nie zastaŭsia pa-za ŭvahaj, zajaviŭ siońnia žurnalistam ministr adukacyi Ihar Karpienka padčas naviedvańnia 1 maja siaredniaj škoły №64 Minska, paviedamlaje BIEŁTA.

Učora, niahledziačy na aficyjny vychodny, u škołach dzieci vučylisia. Ale, navat miarkujučy pa fotach BiełTA, kolkaść školnikaŭ była nievialikaja, a ministr byŭ biez maski.
«Moža, naviedvalnaść škoł siońnia nievialikaja, ale razam z tym, ja liču, my nivodnaje dzicia nie pakinuli biez uvahi, — skazaŭ Ihar Karpienka. — Siońnia ŭ presie šmat ukidaŭ z nahody atestacyi. Chaj baćki nie chvalujucca — my ŭsich atestujem. Dla hetaha treba baćkam i navučencam u ciesnym kantakcie sa škołaj vyrašać hetyja pytańni. Usia nieabchodnaja narmatyŭnaja baza i dakumienty dla hetaha jość».

Kamientary