BPS-Śbierbank pačaŭ pradastaŭlać miedycynskija anłajn-strachoŭki z opcyjaj «karanavirusnaja infiekcyja». Ahulny abjom vypłat moža dasiahać 8000 rubloŭ pry pryčynieńni škody zdaroŭju i časovaj stracie pracazdolnaści pa vynikach stanoŭčaha testu na COVID-19.
Polis z aphrejdam pad biahučyja realii bank prapanavaŭ sumiesna sa strachavoj kampanijaj «TASK». Vypadak budzie ličycca strachavym, kali, u pryvatnaści, padčas dziejańnia damovy budzie vyjaŭleny i dyjahnastavany virus COVID-19 va ŭstanovach achovy zdaroŭja Biełarusi.
U liku strachavych vypadkaŭ — pryčynieńnie škody zdaroŭju abo žyćciu ŭ vyniku niaščasnaha vypadku abo chvaroby, upieršyniu vyjaŭlenaj i dyjahnastavanaj u pieryjad dziejańnia damovy. Taksama strachavoje zabieśpiačeńnie vypłaciać «pry ŭmovie znachodžańnia ŭ stacyjanary z karanavirusnaj infiekcyjaj COVID-19».
Strachavaja suma na vybar moža składać ad 2000 da 8000 rubloŭ. Adpaviedna, uznosy varjirujucca ad 15 da 60 rubloŭ u hod. Zastrachavać možna jak siabie, tak i svaich blizkich ci siabroŭ u mabilnym/internet-banku «Śbierbank Anłajn».
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu12
Kamientary