Kiraŭnik MZS Litvy pra parad u Minsku: Ciapier takija mierapryjemstvy vyhladajuć dziŭna
Napiaredadni 75-hodździa zakančeńnia Druhoj suśvietnaj vajny, jakoje ŭ Jeŭropie adznačajecca 8 maja, ministr zamiežnych spraŭ Litvy Linas Linkiavičus daŭ intervju partału Delfi.
Žurnalist vydańnia spytaŭ, ci nie atrymała zaprašeńnia na parad Litva.
— Nie viedaju, ci było zaprašeńnie, ale my hladzim skieptyčna na parad. Ciapier takija mierapryjemstvy vyhladajuć dziŭna. My hetaha nie razumiejem, — zajaviŭ litoŭski ministr.
Jon adznačyŭ, što mieŭ telefonnuju razmovu sa svaim kaleham Uładzimiram Makiejem pa dvuch pytańniach: ab BiełAES, tamu što tudy ŭžo pryvieźli pieršaje jadziernaje paliva, i druhoje pytańnie — pandemija.
«U nas za sutki ŭčora było mienš za 10 zaražanych, u Biełarusi — bolš za 900. I heta vialikaja roźnica, niahledziačy na roźnicu ŭ vieličyni našych krain. I heta nas naściarožvaje. Tut prablema nie tolki dla ich abo dla nas, tut prablema dla ŭsiaho rehijonu. My chacieli b, kab jany bolš adkazna stavilisia da rekamiendacyj Suśvietnaj arhanizacyi achovy zdaroŭja (SAAZ) nakont uviadzieńnia karancinu, adnosna parada, z nahody chakiejnych i futbolnych turniraŭ», — zajaviŭ Linkiavičus.
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia9
Kamientary