Historyju apisvaje staličnaja milicyja.
15 maja ŭ Centralny RUUS pastupiła paviedamleńnie: na aŭtarynku pierad nabyćciom aŭto z sumki žančyny skrali 26 tysiač dalaraŭ i 20 tysiač jeŭra. Adnak milicyjanty, što prybyli na miesca zdareńnia, vyśvietlili, što nasamreč złačynstva nie było.
Žančyna pryznałasia, što patelefanavała ŭ milicyju, kab schavać praŭdu ad muža, ź jakim pryjechała na aŭtarynak. Doŭhi čas jana ŭvodziła mužčynu ŭ zman i zapeŭnivała, što rehularna adkładaje hrošy, zaroblenyja ŭ kamiercyi. U rečaisnaści dachody tracilisia na asabistyja i siamiejnyja patreby, pra što jana maŭčała, kab nie chvalavać blizkaha čałavieka.
— Muž i žonka pryjechali ŭ Minsk, kab nie tolki kupić mašynu, ale i ŭnieści zadatak na kuplu kvatery dla dački.
Napiaredadni pajezdki było vyrašana pieraličyć hrošy. Žančyna paprasiła, kab nie bačyli susiedzi, zaviesić štory i pahasić śviatło.
Nasamreč heta rabiłasia dla taho, kab jon nie zaŭvažyŭ padmienu — zamiest sapraŭdnaj valuty žančyna pieraličvała suvienirnyja jeŭra i dalary, jakija jana niekalki hadoŭ tamu kuplała dla vykupu niaviesty na viasielli.
Na aŭtarynku, pakul muž razmaŭlaŭ z pradaŭcom, žančyna ŭpotaj dastała z sumki suvienirnyja hrošy i schavała ich, paśla čaho paviedamiła pra kradziež.
Pa pryčynie taho, što ŭsie abstaviny byli vyśvietlenyja da pryniaćcia zajavy ab złačynstvie, u dačynieńni da zajaŭnicy skłali administracyjny pratakoł za zaviedama łžyvaje paviedamleńnie. Zaraz žančyna čakaje suda. Joj pahražaje štraf da 15 bazavych vieličyń (405 rubloŭ).
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary