Pačała dziejničać virtualnaja karta Litvy sa statystyčnymi dadzienymi ab COVID-19, paviedamlaje Delfi sa spasyłkaj na Ministerstva achovy zdaroŭja.
Na joj analizujecca situacyja z karanavirusam u roznych rajonach, pradstaŭlenyja poł i ŭzrostavyja hrupy zaražanych, a taksama ahulnyja źviestki i sutačnyja źmieny. Pryčym va ŭsich bolš čym 40 rajonach krainy.
Z pačatku raspaŭsiudžvańnia infiekcyi ŭ Litvie paćvierdžana 1577 vypadkaŭ karanavirusa. Zaraz chvarejuć 460 čałaviek, 1049 vyzdaravieli. Ad karanavirusa pamierli 60 čałaviek. Bolš za ŭsio vypadkaŭ zafiksavana ŭ horadzie Vilni — 387, u Kłajpiedzie ich — 271, u Vilenskim rajonie — 227, u Kaŭnasie — 99 vypadkaŭ. Nie zafiksavana zachvorvańniaŭ u Zarasajskim i Pakruojskim rajonach, a taksama ŭ Birštonasie.
U Biełarusi dajecca tolki ahulnaja ličba tych, chto zachvareŭ na karanavirus, pa asobnych abłaściach zvodak niama ŭžo bolš za miesiac. Zredku źjaŭlajecca ŭ aficyjnaj rajonnaj presie tolki infarmacyja pa asobnych rajonach. A pra ŭzrostavyja katehoryi, vidać, nikoli i nie paviedamlałasia.
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary