Papa rymski pryznačyŭ novym apostalskim nuncyjem u Biełarusi charvackaha ijerarcha, arcybiskupa Ante Joziča. Ab hetym paviedamlaje «Vatykanskaje radyjo».
Ante Jozič naradziŭsia 16 studzienia 1967 u horadzie Tryl. Śviatarskaje paśviačeńnie atrymaŭ u 1992 hodzie ŭ składzie Splitskaj archidyjacezii. U 1995-m pačaŭ rychtavacca da dypłamatyčnaj słužby ŭ Papskaj kaścielnaj akademii. Z 1999 hoda pracavaŭ u Apostalskaj nuncyjatury ŭ Indyi. Potym, z 2003-ha pa 2009-y, byŭ sakratarom nuncyjatury ŭ Rasii. U 2009 hodzie staŭ daradcam pa nuncyjatury ŭ Filipinach.
2 lutaha 2019-ha papa pryznačyŭ jaho apostalskim nuncyjem u Kot-dJIvuary i tytularnym arcybiskupam Cysy. Biskupskaje paśviačeńnie jamu pavinien byŭ uručyć 1 maja letaś kardynał dziaržsakratar Pjetra Paralin. Adnak 7 krasavika 2019 hoda ijerarch trapiŭ u aŭtamabilnuju avaryju kala Splita, paśla jakoj apynuŭsia ŭ balnicy ŭ krytyčnym stanie.
22 studzienia 2020 hoda arcybiskup Jozič sustreŭsia z Franciškam. Biskupskaja sakra pavinna była adbycca 21 sakavika ŭ bazilicy Śviatoha Piatra, adnak jana była pieraniesiena z pryčyny pandemii COVID-19.
Arcybiskup Jozič źmienić na pasadzie apostalskaha nuncyja ŭ Biełarusi vienhierskaha arcybiskupa Habara Pintera.
Kamientary