Łucki: Mininfarm maje namier zaścierahčy nasielnictva ad infarmacyi, jakaja škodzić dziaržavie
Novy kiraŭnik Ministerstva infarmacyi Ihar Łucki zajaviŭ u efiry STB, što stratehija jaho viedamstva ŭ siehmiencie internetu ŭ tym liku budzie zaklučacca ŭ abmiežavańni dla nasielnictva infarmacyi, jakaja «škodzić dziaržavie».
«Stratehija Ministerstva infarmacyi, na moj pohlad, budzie zaklučacca ŭ tym, kab karektavać dziejańni srodkaŭ masavaj infarmacyi dla taho, kab zabiaśpiečyć, pa-pieršaje, daviadzieńnie vyraznaj dziaržaŭnaj palityki i abmiežavać nasielnictva ad infarmacyi, jakaja nanosić škodu dziaržavie», — skazaŭ Łucki.
«My bačym, što ŭžo ciapier, u pieryjad važnaj palityčnaj kampanii, adbyvajecca ŭ internecie, u sacyjalnych sietkach, na staronkach sajtaŭ, na videachostynhach. Moža kamuści zdacca, što heta niešta biaskryŭdnaje, ale heta vielmi surjozna ŭpłyvaje na toje, što adbyvajecca ŭ krainie, i toje, jak budzie raźvivacca kraina», — zaŭvažyŭ jon.
«Zabić hałavu vielmi prosta, ličbavy šum dosyć surjozna ŭpłyvaje na rozumy. Zadača pierš za ŭsio dziaržaŭnych ŚMI — razburać hety ličbavy šum i danosić praŭdzivuju infarmacyju», — skazaŭ ministr.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Na zimu zapłanavanyja masavyja zatrymańni, składzienyja «pieršy i druhi śpisy»29
Kamientary