Pa słovach Paŭła, paśla prośby ab źnižeńni arendy «Haryzont» prasiŭ sabrać dakumienty, kab paćvierdzić, što dziejnaść kramy sapraŭdy paciarpieła, pakazać jaje vyručku z pačatku hoda i addać u zakład majomaść majsterni.
«Dakumienty dasyłalisia, ale štoraz źjaŭlalisia novyja ŭmovy. Prachodzili tydni. Arendadaŭca abiacaŭ dasłać dadatkovyja pahadnieńni da damovaŭ i… nie dasyłaŭ.
18 červienia da nas pryjechaŭ ministr ekanomiki, kab być pasiarednikam na pieramovach z «Haryzontam». Ja prysutničaŭ na hetaj sustrečy. U vyniku «Haryzont» zhadziŭsia panizić płatu za arendu dla ŭsich arandataraŭ, dać adterminoŭku i rasterminoŭku pa płaciažach za arendu».
Ale 18 červienia ZAT «Haryzont-Bielinviest-Deviełapier» adpraviła kramie nie dakumienty ab źnižeńni arendnaj płaty, adterminoŭcy i rasterminoŭcy (pa słovach Paŭła, mienavita na heta jany damovilisia ź ministram), a list ab skasavańni damovy arendy pamiaškańnia:
«Farmalnaja pryčyna (pa dadzienych «Haryzonta») — doŭh u 649,50 jeŭra za arendnuju płatu, 9 rubloŭ 13 kapiejek za kamunalnyja pasłuhi i 1 rubiel 25 kapiejek za ekspłuatacyjnyja pasłuhi. Navat ministr nie zmoh ich pierakanać, što «Honar» lepš nie hublać».
Pavieł patłumačyŭ «Našaj Nivie», što niahledziačy na toje, što arendadaŭca musiŭ prymusova vysielić šoŭrum i majsterniu paśla 25 červienia, fizičnych sprobaŭ vysialać kramu pakul nie było.
«Tak, pakul pracujem. Naš juryst ciapier raźbirajecca ź situacyjaj. My nie zhodnyja z tym, što «Haryzont» nam pahražaje vysialeńniem u adnabakovym paradku.
Kali pytańnie budzie stajać tolki pra vysialeńnie, jak zaraz, to heta sprava nie adnaho miesiaca, kali «Haryzontu» ŭdasca atrymać stanoŭčaje rašeńnie pa svaich dziejańniach praz sud. U takim vypadku budziem pierajazdžać — prapanovy ŭ nas jość».
Na pytańnie, ci paraŭnoŭvaje Pavieł situacyju ŭ kramie Honar ź niadaŭniaj situacyjaj u kramie Symbal.by, adkazvaje, što padstavaŭ dla hetaha pakul dakładna niama.
Kamientary