Ustanoŭčy źjezd Partyi svabody i prahresu (PSP) adbudziecca 18 krasavika ŭ Mahilovie. Pra heta paviedamiŭ BiełaPAN lider arhkamiteta pa stvareńni partyi Uładzimir Navasiad.
Płanavałasia, što ŭstanoŭčy źjezd projdzie ŭ Minsku, adnak arhkamitetu nie ŭdałosia atrymać dazvoł na vydzialeńnie nieabchodnaha pamiaškańnia. «My padavali zajaŭki prykładna ŭ 30 arhanizacyj Minska i inšych haradoŭ Biełarusi, adnak nivodnaja ź ich zadavolena nie była. Daviałosia vykarystać zapasny varyjant z pamiaškańniem, chacia chacieli pravieści źjezd u śpiecyjalna vydzielenym miescy», — paviedamiŭ U.Navasiad.
Paśla źjezda pradstaŭniki arhkamiteta ŭ čaćviorty raz pasprabujuć zarehistravać partyju ŭ Ministerstvie justycyi.
Pieršy ŭstanoŭčy źjezd PSP adbyŭsia ŭ listapadzie 2003 hoda.
Zhodna z prahramnymi dakumientami, partyja staviła na mecie «prasoŭvańnie ŭ hramadskaj śviadomaści kaštoŭnaściej demakratyi i libieralizmu, raźvićcio demakratyčnych libieralnych reform, sadziejańnie zaćviardžeńniu ŭ Biełarusi hramadzianskaj supolnaści i demakratyčnaj pravavoj dziaržavy, realizacyju kanstytucyjnych pryncypaŭ i raźvićcio miascovaha samakiravańnia». Miniust admoviŭ u rehistracyi PSP z‑za vyjaŭlenych va ŭstanoŭčych dakumientach nieadpaviednaściej dziejnamu zakanadaŭstvu.
Paŭtorna U.Navasiad sprabavaŭ zarehistravać partyju ŭ červieni 2004 hoda. U rehistracyi było admoŭlena z pryčyny parušeńnia paradku jaje stvareńnia.
Biezvynikovaj była i treciaja sproba rehistracyi, zroblenaja ŭ mai 2005 hoda. Padstavaj dla admovy stali vyjaŭlenyja Miniustam nieadpaviednaści ŭ pratakołach pa vyłučeńni delehataŭ na ŭstanoŭčy źjezd, a taksama pryznańnie 45 podpisaŭ zasnavalnikaŭ niesapraŭdnymi.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m99
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1414
Kamientary