Na fiermie pad Homielem cialat padčas marozu apranajuć u kambiniezony FOTAFAKT
Na fiermie «Klimaŭka» ŭ Homielskim rajonie prydumali sposab, jak sahravać zimoj cialat, što ŭtrymlivajucca na dvare. Maładniak tut uciaplajuć nie tolki toŭstaj sałamianaj padściłkaj, ale i śpiecyjalnymi kambiniezonami, piša Times.by.
Jak paviedamili ŭ efiry telekanała «Biełaruś 4 Homiel», dla cialat, jakich utrymlivajuć na dvare, zakupili 40 ciopłych kambiniezonaŭ. Jašče 15 samych maleńkich žyvioł znachodziacca ŭ pamiaškańniach, dzie pastajanna padtrymlivajecca patrebnaja tempieratura.
Taksama na fiermach pavialičyli słoj padściłki, a dla źmianšeńnia vilhotnaści vykarystoŭvajuć piłavińnie i karmavyja sumiesi na asnovie siłasu i sienažu. Akramia taho, na zimovy pieryjad pavysili normy karmoŭ i kancentravanych dabavak.
Najbolš prydatnaj dla ŭtrymańnia bolšaści žyvioł ličycca tempieratura ad +5 da +15 °C, dapuskajecca i karotkačasovaje panižeńnie da —9 °C.
Tema atrymała praciah u sacsietkach. Adna z karystalnic Threads apublikavała fota i videa cialat u kambiniezonach i napisała, što za dzień «apranuła 100 dziaciej u kurtački».
Adnych kamientataraŭ taki kłopat paradavaŭ i rasčuliŭ, inšyja ž vykazali zaniepakojenaść, što maleńkich cialat zimoj trymajuć na dvare, sumniavajučysia, ci dastatkova im adnaho takoha kambiniezona i płastykavych budak. Aŭtarka pasta zapeŭniła, što kambiniezony sapraŭdy hrejuć, a ŭ dadatak žyviołam padściłajuć sałomu.
«3‑4 łaktacyi prypłodu, małaka pa 7000 litraŭ, pamnožyć na 3». Hienierał Karajeŭ patłumačyŭ sialanam, jak vyroščvać cialat
«Pa kalena ŭ hnoi i zarobak 200 rubloŭ». Žyviołavod z-pad Salihorska pakazaŭ svaju fiermu va ŭsioj krasie
U Kruhlanskim rajonie viecier razburyŭ budynak cialatnika, dzie znachodzilisia žyvioły
Ankołah Karanik vystupiŭ z dakładam ab zachavańni bujnoj rahataj žyvioły
Stała viadoma, kolki ludziej u Biełarusi pakarali za padziež žyvioły
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary