Alaksandr Łukašenka pavinšavaŭ biełarusaŭ z Dniom Niezaležnaści, što adznačajecca 3 lipienia.
«Dla kožnaha biełarusa hetaje śviata napoŭniena asablivym sensam. Naša bolš za 1000-hadovuju historyja — pastajannaja baraćba naroda za svaju ziamlu, duchoŭnyja kaštoŭnaści i samavyznačeńnie. I navat paśla źjaŭleńnia na mapie śvietu suvierennaj Respubliki Biełaruś nam uvieś čas davodzicca adstojvać prava na samastojny šlach raźvićcia», — havorycca ŭ vinšavańni, apublikavanym na sajcie kiraŭnika krainy.
«Simvalična, što hałoŭnaje śviata krainy — jašče i dzień vyzvaleńnia biełaruskaj stalicy ad niamiecka-fašysckich zachopnikaŭ. Vialikaja Pieramoha vyratavała nas ad źniščeńnia. My śviata šanujem podźvih pakaleńnia pieramožcaŭ, jakija adoleli hroznaha voraha i padniali krainu z ruin», — adznačaje Łukašenka.
Kiraŭnik krainy vykazaŭ spadzieŭ, što Biełaruś i nadalej budzie macavać naš suvierenitet i budavać budučyniu krainy na pryncypach spraviadlivaści, raŭnapraŭja i kłopatu pra ludziej.
