Hałoŭny trenier maskoŭskaha CSKA Viktar Hančarenka pryśviaciŭ pieramohu nad «Arenburham»(4:0) u matčy 27-ha tura čempijanatu Rasii maci, jakaja dniami pajšła z žyćcia, paviedamlaje Presboł.
«Słovy padziaki kamandzie za toje, što jany mianie ŭ taki ciažki momant padtrymali. Chacieŭ im vialikija słovy padziaki skazać. Hetuju pieramohu pryśviačaju mamie, jakaja była maim samym addanym zaŭziataram. Paśla kožnaj hulni mnie telefanavała, vinšavała z udałaj hulnioj, dzieści krytykavała. Tamu dziakuj chłopcam, što pieramahli», — skazaŭ jon.
CSKA pieramoh u apošnich troch matčach, pryčym ni razu nie prapuściŭšy. Kamanda idzie na trecim miescy, zmahajučysia za miesca ŭ Lizie čempijonaŭ.
Kamientary