Advakat Źmicier Haračka miarkuje, što zakon «Ab amnistyi ŭ suviazi z 65‑hodździem vyzvaleńnia Biełarusi ad nacysckich zachopnikaŭ», jaki pryniaty ŭ pieršym i druhim čytańni 15 krasavika, dapamoža jaho padabaronnamu Emanuiłu Zielceru daterminova vyjści na volu.
«Pavodle 3‑ha artykuła zakonu pad amnistyju padpadajuć asoby, jakija asudžanyja na termin da 6 hod źniavoleńnia i adbyli nie mieniej za čverć pakarańnia. Emanuił Zielcer asudžany na 3 hady i adbyŭ za kratami hod i miesiac. Zaŭvah ad turemnaj administracyi ŭ jaho niama, i tamu, miarkuju, jon całkam moža raźličvać na amnistyju», — skazaŭ «Svabodzie» advakat Źmicier Haračka.
Nahadajem, amierykanski hramadzianin
Emanuił Zielcer asudžany pavodle abvinavačańnia ŭ kamiercyjnym špijanažy i sprobie padrobki dakumientaŭ.
Pakarańnie Zielcer adbyvaje ŭ mahiloŭskaj kałonii. Svajaki amierykanca miarkujuć, što jon staŭ achviaraj baraćby za spadčynu zaŭčasna pamierłaha hruzinskaha aliharcha Badry Patarkacyšvili, na častku jakoj nibyta pretenduje rasijski aliharch‑uciakač Barys Bierazoŭski.
Spadar Bierazoŭski abvinavačańni ŭ datyčnaści da spravy Zielcera abviarhaje. Urad ZŠA nieadnarazova zaklikaŭ kiraŭnictva Biełarusi na padstavach humannaści vyzvalić Emanuiła Zielcera, jaki maje šerah chraničnych zachvorvańniaŭ.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary