Hałoŭnaja redaktarka zabłakavanaha ŭ Biełarusi sajta Chartyja-97 Natalla Radzina zajaviła pra toje, što dapamahła Śviatłanie Cichanoŭskaj vyvieźci dziaciej u Jeŭrasajuz. Infarmacyju pra heta TUT.BY paćvierdziła kandydat u prezidenty.
— Tak, dzieci sapraŭdy ŭ biaśpiečnym miescy, Natalla dapamahła nam heta zrabić, — skazała Śviatłana Cichanoŭskaja.
U pary Cichanoŭskich dvoje dziaciej — 4-hadovaja dačka i 10-hadovy syn. Śviatłana raspaviadała «Nastojaŝiemu vriemieni», što dzieci nie viedajuć, što ich baćku Siarhieja Cichanoŭskaha aryštavali. Dzieciam raskazvajuć, što baćka ŭ kamandziroŭcy, jamu pišuć listy. Da adjezdu dzieci byli pad nahladam adnoj, a časam dźviuch babulaŭ.
Raniej Śviatłana Cichanoŭskaja kazała, što na jaje akazvaŭsia psichałahičny cisk.
16 červienia jana navat zapisała videazvarot. «Ja znachodžusia ŭ Homieli, ja pryjechała siudy, kab pačać zdaču podpisaŭ, sabranych u maju padtrymku, i na parozie adnoj z administracyj mnie pastupiŭ zvanok z pahrozami ŭ moj adras i na adras maich dziaciej z umovaj taho, što ja nie pavinna praciahvać hetuju pajezdku. Pierada mnoj staić vybar: dzieci abo dalejšaja baraćba, dumaju, moj vybar budzie vidavočny. Prašu vas z razumieńniem pastavicca da luboha majho rašeńnia. Chaču skazać, što, kali b Siarhiej byŭ na voli, jon by skazaŭ vam nie zdavacca, — kazała tady Śviatłana Cichanoŭskaja.
Apytanka
Ciapier čytajuć
Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam33
Kamientary