Z 1 vieraśnia prajezd možna budzie apłacić anłajn va ŭsim hramadskim transparcie Minska i, mahčyma, u maršrutkach
Ukaranić servis TIX i sistemu «Apłaci» ŭ 2500 adzinkach hramadskaha transpartu Minska płanujuć da 1 vieraśnia, paviedamlaje aficyjny telehram-kanał Minharvykankama.
Alaksandr Darachovič, namieśnik staršyni Minskaha harvykankama, adznačyŭ, što sučasnyja sposaby apłaty prajezdu zapatrabavanyja ŭ haradžan.
«Abiedźvie sistemy zarekamiendavali siabie dobra. Pytańnie tolki ŭ tym, kamu z pasažyraŭ jakaja zručniejšaja. Tamu damo ludziam vybar: dastupnyja buduć dźvie sistemy apłaty z dapamohaj mabilnych dadatkaŭ. Kožny skarystajecca toj, jakaja jamu bolš padabajecca», — miarkuje spadar Darachovič.
T️aksama rašajecca pytańnie, kab da 1 vieraśnia sistema zapracavała va ŭsioj sietcy maršrutnych taksi stalicy.
Budzie raźvivacca i apłata prajezdu ŭ mietro z dapamohaj skanavańnia tvaru. Jaje ŭžo pratestavali, jana pracuje biez zbojaŭ. U chutkim časie jaje ŭviaduć na 3-j linii mietro, a potym raspaŭsiudziać na 1 i 2 linijach.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?9
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary