Fota Iryny Arachoŭskaj
Nobieleŭskaja łaŭreatka Śviatłana Aleksijevič i mastak Uładzimir Ceśler padpisali chadajnictvy ab asabistym paručalnictvie dla źmieny miery strymańnia Viktaru Babaryku, paviedamlajecca na sajcie eks-pretendenta ŭ prezidenty.
Nahadajem, što napiaredadni kaardynatar štaba Babaryki Maryja Kaleśnikava paprasiła nieabyjakavych biełarusaŭ vystupić paručycielami dla źmieny miery strymańnia dla Viktara Babaryki.
U chadajnictvie, uzor jakoha štab vykłaŭ na sajcie, havorycca, što «z ulikam asabistych jakaściaŭ Babaryki Viktara Dźmitryjeviča fizičnaj pahrozy ci inšaj niebiaśpieki dla hramadstva nie ŭjaŭlaje, i jaho ŭtrymańnie pad vartaj źjaŭlajecca praźmierna strohaj mieraj». U chadajnictvie prosiać mieru strymańnia ŭ vyhladzie zaklučeńnia pad vartu ŭ dačynieńni da Babaryki zamianić na bolš miakkuju, u pryvatnaści, na asabistaje daručalnictva. Za parušeńnie Viktaram Babarykam umoŭ asabistaha paručycielstva na paručyciela nakładvajecca hrašovaje spahnańnie ŭ pamiery ad sta da piacisot bazavych vieličyń (2700 — 13 500 rubloŭ).
Chadajnictva budzie padadziena siońnia a 16-j hadzinie ŭ KDB pa adrasie: Minsk, pr. Niezaležnaści, 17.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)