ANT: Ludzi z Banhałora pryjšli prosta na kancert i nie buduć hałasavać za Cichanoŭskuju
U efiry kanała ANT vyjšaŭ siužet aŭtarstva Ihara Tura, u jakim toj parazvažaŭ pra samy masavy mitynh u historyi krainy za apošnija hady. Na dumku supracoŭnika dziaržaŭnaha telekanała, mnohija ludzi pryjšli nie na mitynh, a na kancert, dy hałasavać za Cichanoŭskuju nie buduć.
«Časam elektarat sprabujuć pierakanać, što važniejšaje — šum i malaŭničaja karcinka ŭ pieryjad ahitacyi, a nie pracent nabranych hałasoŭ», — kaža viadučy.
Tur zapeŭnivaje: kolki dakładna było ludziej na Banhałory, dakładna nieviadoma.
Na jaho dumku, na mitynh nie pryjšło i 3% ad nasielnictva Minska.
Tur paviedamlaje, što sam schadziŭ na mitynh, i pachvaliŭ štab za toje, što jany sabrali sapraŭdy dobry dla karcinki natoŭp.
«Skončyŭsia rabočy dzień, prahulaŭsia — i voś u parku open-air, pryčym całkam biaspłatna. Prajšoŭ na kłapatliva abharodžanuju milicyjaj terytoryju, nie bajusia niejkich pazaštatnych situacyj, možna rassłabicca. Mitynh doŭžyŭsia čatyry hadziny ź ich vystup alternatyŭnaha štaba — chvilin 30-40», — kaža viadučy.
Słovy Cichanoŭskaj i jaje štaba Tur nie staŭ aceńvać, a kancert pachvaliŭ.
«Ale heta zusim nie aznačaje, što 9 žniŭnia ja pryjdu na vybarčy ŭčastak i addam hołas u padtrymku hetaha kandydata. Navat nie tak: ja dakładna hetaha nie zrablu», — kaža supracoŭnik dziaržaŭnaha telekanała.
Jon prapanavaŭ paraŭnać mierapryjemstva nie ź mitynhami i akcyjami, a z muzyčnymi fiestyvalami.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi2
Kamientary