Łukašenka pra vizit Chaŭjera Sałany ŭ Minsk: Vielmi mnie spadabaŭsia hety stareča
Ukrainski žurnalist Dźmitryj Hardon zapytaŭsia ŭ Alaksandra Łukašenki, ci praŭda toje, što Pucin prapanoŭvaŭ 2 miljardy dalaraŭ za toje, što jon (Łukašenka) pryznaje Abchaziju i Paŭdniovuju Asieciju rasijskimi terytoryjami.
«Nikoli pra heta nie było havorki, — adkazaŭ Łukašenka. — Cana pytańnia była kudy vyšejšaja. U mianie nikoli nie było pytańnia nakont Abchazii i Asiecii, niahledziačy na toje, što ja prychilnik cełasnaści terytoryi luboj krainy, u tym liku Hruzii. Kali zavarucha heta pačałasia, i ŭsie ŭ SND dryželi… Kazachstan vielmi bajaŭsia, što pryznajem Paŭdniovuju Asieciju. Niadobry fakt, adarvali ad Hruzii, kolki tam toj Paŭdniovaj Asiecii? 30 tysiač? (…) Kali heta adbyłosia, niamoje pytańnie pavisła ŭ pavietry. I ŭsie čakali, što Biełaruś pryznaje… A ja nikoli nie nadavaŭ hetamu značeńnia. Treba sajuźnika padtrymać, možam padtrymać. A potym NATAŭcy nas u hetaje pytańnie akunuli.
Pryjechaŭ Chaŭjer Sałana, pamiatajecie, byŭ taki kiraŭnik NATA? [u lutym 2010 hoda, u toj čas Sałana byŭ Viarchoŭnym pradstaŭnikom pa pytańniach ahulnaj źniešniaj palityki i palityki biaśpieki ES, hienieralnym sakratarom Rady ES, kiraŭnikom NATA Sałana byŭ u 1995—1999 hh. -- NN].
«Vielmi spadabaŭsia hety stareča, — adznačyŭ Łukašenka. — Jon mnie naŭprost kaža: u nas jość da vas prośba. Ja dumaju, jakaja?
Heta ž NATA. A jon: vy ž nie dumajecie, što my zusim vorahi. My b nie chacieli, kab vy pryznavali Paŭdniovuju Asieciju. Pačaŭ raskazvać, što adbyłosia i h.d, što heta Hruzija i ŭsio takoje. Ja kažu: «Ja razumieju, ale čamu vy mianie pra heta prosicie?» A jon adkazvaje: «Kali vy pryznajecie, to nastupić parad pryznańniaŭ, za vami pojduć druhija. Ja kažu: bolš čym dziŭnaja pazicyja, ale ładna…»
«A my byli da hetaha hatovyja. Ja kažu: «Chaŭjer, a što nam budzie za heta?». Jon byŭ da hetaha hatovy. Dastaje natatnik i pačynaje pieraličvać. Biełaruś budzie adrazu adklučana ad raźlikaŭ pa SWIFT.. Jon nie abiacaŭ, što sankcyi zdymuć, jon pieraličyŭ, što adbudziecca dadatkova».
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš7
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary