Kančatkovaje rašeńnie ab vydzialeńni Biełarusi pazyki na mety raźvićcia rada dyrektaraŭ Suśvietnaha banku prymie ŭvosień.
Kančatkovaje rašeńnie ab davańni Biełarusi pazyki na mety raźvićcia rada dyrektaraŭ Suśvietnaha banku maje namier pryniać vosieńniu, paviedamiŭ na bryfinhu ŭ Minsku 21 krasavika dyrektar adździeła Ukrainy, Biełarusi i Małdovy SB Marcin Rajzier.
Jon nahadaŭ, što biełaruski ŭrad źviarnuŭsia da Suśvietnaha banku pa sadziejańnie ŭ realizacyi prahramy ekanamičnych reformaŭ. «Suśvietny bank moh by padtrymać realizacyju prahramy z dapamohaj mierkavanaj pazyki», — zaznačyŭ Rajzier.
Dyrektar rehijanalnaha adździełu paviedamiŭ, što na praciahu dvuch tydniaŭ u Minsku pracavała hrupa ekśpiertaŭ Suśvietnaha banku, jakaja viała pieramovy ź biełaruskim uradam pa pytańni mahčymaha davańnia pazyki.
«Dyskusija była kanstruktyŭnaj. My spadziajemsia, što zmožam uzhadnić prahramu ekanamičnych reformaŭ i padtrymać jaje finansavańnie», — zajaviŭ pradstaŭnik SB.
Miž tym jon admoviŭsia skazać, pra jakuju sumu idzie razmova.
Jak paviedamlałasia raniej, staršynia praŭleńnia Nacyjanalnaha banka Biełarusi Piotr Prakapovič na pres‑kanfierencyi 28 studzienia zajaŭlaŭ pra mahčymaje pryciahnieńnie kredytu Suśvietnaha banka ŭ pamiery da 1 młrd. dołaraŭ ZŠA. Adnak, jak zaznačyŭ Rajzier, «pakul rana havaryć pra peŭnuju sumu, jana moža źmianicca». Kančatkovuju kropku ŭ hetym pytańni pastavić rada dyrektaraŭ Suśvietnaha banka.
Pradstaŭnik SB padkreśliŭ, što ŭ vypadku stanoŭčaha rašeńnia Biełarusi budzie vydadziena ŭsia suma adrazu. Pry hetym u budučym jon nie vyklučyŭ vydzialeńnia jašče adnaho kredytu na mety raźvićcia. «Ale heta zaležyć ad taho, nakolki paśpiachova budzie realizavana prahrama ekanamičnych reformaŭ, jakuju my abmiarkoŭvajem ciapier», — zaznačyŭ M.Rajzier.
Kažučy pra źmiest prahramy, jon paviedamiŭ, što dyskusija ź biełaruskim uradam była zasiarodžana na troch asnoŭnych kirunkach: palapšeńnie biźnies‑asiarodździa i libieralizacyja ekanomiki, pavyšeńnie kiravańnia dziaržaŭnymi resursami i abarona ŭraźlivych płastoŭ nasielnictva ŭ pieryjad kryzisu.
Pavodle słoŭ Rajziera, prahrama nie ŭtrymlivaje metavych pakazčykaŭ u adroźnieńnie ad prahramy Biełarusi ź Mižnarodnym valutnym fondam. Miž tym, zaznačyŭ jon, z uradam Biełarusi buduć uzhodnienyja siarednieterminovyja pakazčyki raźvićcia ekanomiki. «Heta dazvolić adsočvać efiektyŭnaść realizacyi prahramy», — zaznačyŭ pradstaŭnik SB.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni21
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary