Łukašenka siońnia padčas naviedvańnia «Dziaržynskaha» zajaviŭ, što zaraz z vonkavaha boku pačali padnaciskać ŭžo siłaj zbroi, akramia taho, što ŭzburyli ludziej unutry krainy, piša BiełTA.
Jon skazaŭ, što ŭ hetych umovach vymušany byŭ vialikuju kolkaść vajskoŭcaŭ pierakinuć na zachodni kirunak, asabliva ŭ rajonie Hrodna. «Zaŭtra vy ŭbačycie. Ja tudy palaču inśpiektavać», - adznačyŭ Łukašenka.
«Bo jany pastavili metu pierš za ŭsio hetuju terytoryju adsiekčy - hrodzienskuju. Užo polskija ściahi vyviesili niadaŭna, - adznačyŭ jon. - Zaraz Ajčyna ŭ niebiaśpiecy. My nie možam žartavać. Tym bolš heta nie słabyja vojski — NATO. Tamu ja papiaredziŭ Prezidenta Rasii ab situacyi, jakaja składvajecca ŭ Biełarusi. U nas poŭnaje parazumieńnie, u nas jość damova adpaviednaja ŭ ramkach ADKB i Sajuznaj dziaržavy».
Jon pry hetym padkreśliŭ, što heta nie tolki biełaruskija prablemy, jak kažuć niekatoryja ŭ Rasii. «Biełaruskaja siońnia prablema dla Rasii nie mienš važnaja, čym dla Biełarusi. Atakujuć Rasiju pierš za ŭsio. Ale chočuć skamiačyć nas. Nie atrymajecca! My damo adpor», - skazaŭ Alaksandr Łukašenka.
Kamientary