Trahiedyja zdaryłasia ŭ noč na 28 krasavika ŭ pryvatnym domie, dzie žyli biespracoŭny mužčyna z sužycielkaj i dvuma synami.
U hetuju noč da chłopčykaŭ pryjšli načavać dvoje siabroŭ.
Miarkujecca, što pažar pačaŭsia z pryčyny nieaściarožnaha abychodžańnia z ahniom haspadara doma, biespracoŭnaha. Budučy niećviarozym, viečaram jon paliŭ na kuchni.
Tryvohu ŭźniaŭ starejšy z chłopčykaŭ, Siarhiej. Nočču jaho pabudziŭ mocny pach dymu. 13‑hadovy padletak pačaŭ budzić astatnich.
Maci i ajčym vybiehli na vulicu, sam Siarhiej zdoleŭ vyskačyć z pałajučaha domu, raźbiŭšy šybu,
jaho siabra taksama vybraŭsia na vulicu, ale atrymaŭ mocnyja apioki i na nastupny dzień pamior u balnicy.Małodšy brat i jaho siabra zahinuli ŭ achoplenym połymiem domie.
Kali na miesca zdareńnia prybyli supracoŭniki Ministerstva pa nadzvyčajnych situacyj, vyratavać dziaciej nie było anivodnaha šancu.
0
0
0
0
0
0
