Pamiežny kamitet: Tadevuša Kandrusieviča nie prapuścili ŭ Biełaruś, bo pašpart pryznany niesapraŭdnym
catholic.by
Staršynia Kanfierencyi katalickich biskupaŭ u Biełarusi arcybiskup Tadevuš Kandrusievič, jakomu 31 žniŭnia zabaranili viarnucca na Radzimu, na minułym tydni atrymaŭ adkaz na svoj zvarot pa hetym pytańni ŭ Dziaržaŭnym pamiežnym kamitecie, piša catholic.by.
U liście za podpisam staršyni DPK A. Łapo padadziena nastupnaja pryčyna dziejańniaŭ pahraničnikaŭ, jakija nie dazvolili Mitrapalitu Minska-Mahiloŭskamu ŭjechać u Biełaruś.
«Paviedamlajem, što Vy byli nie prapuščany praź dziaržaŭnuju hranicu ŭ suviazi z pryniatym orhanami ŭnutranych spraŭ rašeńniem ab pryznańni pašparta hramadzianina Respubliki Biełaruś [padadzieny numar], jaki vam naležyć, niesapraŭdnym.
Pa pytańni pryniaćcia rašeńnia ab pryznańni Vašaha pašparta niesapraŭdnym Vy majecie prava źviarnucca ŭ Ministerstva ŭnutranych spraŭ».
Atrymaŭšy adkaz z Pahrankamiteta, arcybiskup Tadevuš Kandrusievič źviartajecca ŭ Ministerstva ŭnutranych spraŭ dla vyśviatleńnia situacyi i spadziajecca na mahčymaść najchutčejšaha viartańnia na Radzimu.
Pazicyja MUS pa niapropusku mitrapalita Kandrusieviča ŭ Biełaruś: Kamientar budzie paźniej
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA21
Kamientary