Zaduma takaja: Mindoŭh na kani i ź miačom u ruce, adlity z bronzy ŭ paŭtara naturalnyja pamiery. Bronzavuju kampazicyju prapanujecca ŭstalavać na kamienny pastamient.
U Navahrudku chutka moža źjavicca pomnik karalu Mindoŭhu. U suviazi z tysiačahodździem uzhadvańnia imia Litvy i 965‑hodździem Navahrudka miascovy rajvykankam vyrašyŭ uźvieści miemaryjał pieršamu i adzinamu karalu VKŁ, jaki, pa mierkavańni biełaruskich historykaŭ, byŭ karanavany mienavita ŭ hetym horadzie.
Pavodle słoŭ skulptara Hienadzia Burałkina, aŭtara prajekta, u jaho ŭžo jość hatovy eskiz. Zaduma minskaha skulpatara takaja: Mindoŭh na kani i ź miačom u ruce, adlity z bronzy ŭ paŭtary naturalnyja pamiery. Bronzavuju kampazicyju skulptar prapanuje ŭstalavać na kamienny pastamient.
«Siońnia ŭžo majem eskiz — upeŭnieny ŭ sabie karol hatovy zmahacca i achoŭvać miežy svajoj dziaržavy. Konnaja statuja musić raźmiaścicca ŭ histaryčnym centry Navahrudka» — raspaviadaje skulptar.
«Vialikaje kniastva Litoŭskaje zakłała asnovy biełaruskaj dziaržaŭnaści i farmiravańnia biełaruskaj narodnaści, a padtrymka Papy Rymskaha tolki śviedčyć pra toje, što my pačali ŭvachodzić u Jeŭropu jašče ŭ tyja dalokija siarednija viaki», — kaža hałoŭny śpiecyjalist adździeła kultury Navahrudskaha rajvykankama Viačasłaŭ Łaŭreščuk, — «Pieršaj stalicaj dziaržavy byŭ Navahrudak, vakoł jakoha Mindoŭh abjadnaŭ razdroblenyja biełaruskija i litoŭskija ziemli. Dziakujučy hetamu ŭdałosia spynić šmatlikija napady, u pryvatnaści manhoła‑tatarskija nabiehi».
Adnak, jak piša biełaruskaja hazieta «Respublika», pomnika Mindoŭhu ŭ Navahrudku niama, i miascovy rajvykankam pryniaŭ rašeńnie vypravić niedachop, miarkujučy, što taki pomnik staŭ byŭ pomnikam biełaruskaj dziaržaŭnaści.
«Chaciełasia by zdoleć adkryć manumient mienavita ŭ Hod rodnaj ziamli», — adznačaje V. Łaŭreščuk, — «Usim biełarusam nieabchodna viedać, adkul iduć krynicy našaj dziaržavy, tamu pomnik Mindoŭhu maje nie łakalnaje značeńnie — heta pomnik našaj dziaržaŭnaści».
Kamientary