Valeryj Sachaščyk z bratam paśpiachova asvojvajuć novuju dla siabie nišu: usiaho za hod jany pieratvaryli straty ŭ novym dla siabie deviełapierskim biznesie ŭ prybytki, piša ekanamist Vadzim Siachovič.
Bolš za paŭmiljona jeŭra (u ekvivalencie) čystaha prybytku pa vynikach 2025 hoda zarabiła žyrardaŭskaja kampanija Chicago Urban Development (CUD). Heta — aktyŭ bratoŭ Valeryja i Aleha Sachaščykaŭ, u miežach jakoha jany z 2024 hoda asvojvajuć novuju dla siabie nišu inviestycyj u žyłuju nieruchomaść.
Jak piša Siachovič, za minuły hod vyručka CUD pavialičyłasia amal u 2 razy — z 2,7 młn u 2024‑m da 5,3 młn jeŭra. I biznes paśla 250 tysiač jeŭra straty ŭ svoj pieršy hod dziejnaści prynios bratam pieršy prybytak — bolš za 515 tysiač jeŭra.
Jaho jany atrymali ź dźviuch abjektaŭ, jakija ŭvachodziać u ciapierašni čas u partfolio CUD. Heta — žyłyja kompleksy Osiedle Raclawicka ŭ horadzie Mščonaŭ i Zakątek Chmielna ŭ Žyrardavie, dzie znachodzicca štab-kvatera siamiejnaha biznesu. Abodva harady raźmieščany niedaloka ad Varšavy.
20 damoŭ na terytoryi Osiedle Raclawicka byli ŭźviedzieny siamiejnaj budaŭničaj kampanijaj Sahaty ŭ 2024—2025 hadach. Miarkujučy z dadzienych z sajta zabudoŭščyka, na hety momant niepradadzienyja tolki try kvatery (ad 31 da 38 kv. m) z 40.
Taksama praciahvajecca realizacyja kvater u Zakątek Chmielna. Heta bolš maštabny prajekt, u miežach jakoha budzie pabudavana 60 žyłych pamiaškańniaŭ u 15 damach. Kvatery płoščaj ad 65 do 100 kv.m prapanujucca na sajcie CUD ad 138 tys. da 186 tys. jeŭra pa biahučym kursie.
Valeryj Sachaščyk kamandavaŭ bresckimi desantnikami. Užo budučy ŭ adstaŭcy, u 2020‑m jon padtrymaŭ narod na pratestach. A kali Rasija napała na Ukrainu, rezka asudziŭ Pucina. Dva hady jon byŭ u kabiniecie ŭ Cichanoŭskaj, potym znoŭ z kancami pajšoŭ nazad u biznes.
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej4
Kamientary